Udong

Saturday, 12th of October, 2013

1:28 PM

Sabado nguwan, dapat agko kami iskwila, pero sadi Manila, mag- uran sana sa gatingay suspendido na. Excited pa man kintana akong magluog ta agko kami debate nganod. Uda lugod ako maginibo. Naabnoy na naman lugod ako.

Namangno ko na di, pag uda ako maginibo, mag- uudong ako. Sa pag- udong kong an, naglilista ko sa isip ko. Minsan, manungod sa assignment, sa novel na ku second year high school ko pa pinunan, minsan kin uno naman isusurat kong play para sa theater org. ko, o kin nag- uuno raw su crush ko, uno raw maray gibuhon nganud?, mig- baklay ako udma o mig- lunad? Uno raw maray na pang- gabiyan? Basta dawa uno. Pangala, mamamangno ko na sana, oras na para maturog ta gab-i na.

Nangyari di kusu sapon, mga ala syete na sa gab-I. Pag-una ko talaga nananaginip na ko, natuturog. Iniisip ko kaya na nasasang- ab ko a angin sadto kanamo, sa Banao. Nakabatang ako sadto katri namo, nararamdaman ko pa ngani su kulog ko kulit kading likod kong naiipit sadto tikmo kadtong katri. Pangala, nagbuwat ako. Nabayad ko so mga kababatagan, su kalibo, mayelo- yellow na. sasabiyon ko ki mama, tubaun na nganud ta mag- tanuk. Habang nag- aagi ko, uda baya ako tsinelas, natutung-tungan ko'dtong mga bato bato sadto barisbisan. Nakikidik- kidik pa ngani ako. Pangala, taiton na sira Mayeeth, pangala si Ruffa Mae, kaiba si Pipoy, Myca ag Lyn- lyn. Inay ta migpara- abrakan na naman kami kadi. Uno raw kadi tuyo? Pista na palan ka- ika 28. Mig- bayle kunu kami. Sabi ko, "amu, makibayle kita".

Pangala, nasang- ab ko na naman su fresh na angin.

Kasabay ko pagumpaw kanako ku kaabay ko. Haha, ngata kunu ta naka- udong na naman ako. Narealize ko na day dream sana palan adto. Tas su fresh air galin sana sa electric fan. Binag- ut na pati ko.

Minsan, mas gusto ko pang mag- udong na sana. Nganing, naiimagine kong sadto nako baluy, uda na problema sa klase pangala babayadan sa upa.

Dawa arog kan a Banao, bako- bako a aagyan, mga tsismosa a ag tsismoso a siton pag- abayan (joke lang :)) babalik- balikan ko yan. San kaya su mga tawong nagdevelop kanako nganing mabisto ko a sadiri ko.